Ghorday

Ek yaad ka guzra mausam lauta,
jab meri chath k fursh per,
barish ki satah pe,
bhaagay katron k ghayab ghorday.

Takmeel ko pohnchay kheaalon k karwaan,
ghirtay parindon k maanind,
jo ab patton ki aardh k sapurd thay.
Chirdyon ki tarha sehmay,
Baadalon ki tarha siyah aur mandlaatay,
Boondon ki tarha num-o-larzaan khealaat,
Yun barastay khealaat,
K meray aangan mein girtay hi bikhar jatay,
Aur dil se ojhal ho jatay,
Takay unki jaga le payein ghultay,
mit’tay armaan.

Uss jalay bulb k se bujh jaatay,
Us k makaan ki peeth mein posheeda,
khaak se sajay, murjhaatay armaan,
jo uski bu se hain wabasta,
jis se mushkbu hain woh koray safhay,
jo aj bhi meray kamray ki khamoshi mein parday,
sun rahay hain,
khirdki k sheeshay pe bajtay tablay ki thaap.
Aur pardh rahay hain,
sheeshay pe mehw-e-ruqs Monsoon k ushaak,
ki akhri ghazal.

Meray ghar k dar-o-deewar,
jo raet k masaaib se waqif,
rookh aur sook gaye thay,
ab gehra rang pakard chukay hain.
Aur barish k russ ko khud pe lagaye,
chaat rahay hain,
meray dil ki haddon ko.
jin mein basta tha ek nabeena
jisay barish k siwa kuch dikhta hi na tha.
Par ab us k kaalay chashmein per bhi,
baarish apni raggon ka jaal bichaye bethi hai,
jis mein dordtay hain abadd k kuch raaz.

Pur ab k jab abadd hua haal,
Falak ki palkon se muss hui ek sard ungli,
aur joon baarish thami,
tau khamoshi chehek uthi,
iss gumaan se k iss peher ka daamun,
bhi hogea taar taar,
kisi k armanon k hijab ki tarha.
Jis pe khaeli jaanay wali holi,
mein urdtay thay sirf pheekay rang.

Aur ab asmaan ki saaf sunehri slate,
Aur us pe kirnein undelta sooraj dekh kr,
Dil baeth sa gea,
Iss soch se k raasta,
Sirf log aur khuwaab hi nahi bhataktay yahaan,
K qos-e-qaza bhi aaj na jaanay reh gaii thi kahaan?

Advertisements

1 Comment

Filed under Uncategorized

One response to “Ghorday

  1. Nida Danish

    I was so engulfed by your vocabulary..i cant decide if its the beauty of urdu or your choice of words that brought this poem alive infront of my eyes as a picture.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s